الاخ مجدى عبد العزيز الحياة زمان بسيطة وحلوة والان دخلة العولمة والالفية الكم
ما بنعرفها زمان الناس اتربت على الحواشات وأتعلمة على الحواشات والعيشة
كلها موجودة فى القرية الكسرة واللبن والخضار وماتمشى الخرطوم الا لشئ مهم
جدأ واذا فاتك باص التعاون ول بص الشريف ول بص الكباشى ماعليك الا ان تؤجل
المشى للخرطول الى بكرة واذا أمر ضرورى تمشى الكنار وتنتظر بص طابت !!!!!
تعال اليوم الاكل تغير والحواشات إنتهة بقى الماعندو مغترب تعبان والمواصلات
بقت هايسات فى اى لحظة عاوز تمشى اى مكان تمشى مش الخرطوم بس
وذى ما قال المثل لكل زمن رجال وكل دوراذا ما تم ينقلبو!!!!!!!!!!!!
وياحليل ايام زمان زمن بص الشريف الرجل العظيم وأيام فاطمة بت ااحمد واللقيمات
والكبكبى ونحن تلاميذ فى الابتدائية ......وكنا من الشرقية نجى المدرسة الحمير !!!

الاخ مجدي
ياحليل ايام زمان ياريت ترجع
اه يازمن وقف شوي
_______________________
غنيناك وما اظنينا نغني سواك
ناديناك في الصوت الفات ما جانا صداك
الايام غيبتك طالت وخوفي تطول ماسك

تحياتى ابن الاخت الباشمهندس مجدى وتحياتى عمدة وتحياتى ابو حداد اشكرك على الموضوع الجميل فعلا ايام زمان ايام رخاء ايام نفس طيبة ونعيب زماننا والعيب فينا ومالزماننا عيب سوانا
الزمن هو الزمن لم يتغير وانما تغيرت النفوساصبحت نفوس فيها المتعجرف وفيها التى يتملكها الشك من كل جوانبها نفوس اصبحت مريضة زالت النعمة وجفت الضروع وامتنع المطر وان نزل ينزل مطر كوارث فضاع معة كل شى ولاكن الزمن هو الزمن هل الساعة قلت عن ستين ثانية ام السنة قلت عن 12 شهرا ام القرن قل عن 100 عام
؟؟؟؟؟؟؟؟
ولكم شكرى وتقديرى
والله المستعان

الله على ايام زمان..

عندما كنا ننعم بالحياة ..نذهب الى كل مكان..

نعيش اللحظة لا نفكر في الغد..

لم يكن بيننا فرق او سد..

كانت حياتنا كلها فرح.. لانعرف الحزن ..

تحياتى وامتنانى اخى مجدى