بترحبو بي ولا أسوق ترلتي

بعد السلام يحلى الكلام
بعد التحية والإحترام والتجلة والإكبار لابناء السديرة العظام
وأخص بالذكر ابناء عمومتي محمد عمر وأبو عمر حجوج
وابن اخي هيثم محمد سعد وأخص بالذكر نسيبي محمد احمد سعد المشهور بكيمو
أحيكم تحية خالصة كاملة لا فيها زيغ ولا شك ولا ريب تحية مشتاق قد تدفق فيه الشوق حتى كاد يغرقه ويغرق قريته التقر المنشأ الأول للقائد البطل الشهيد ود حبوبة .
ندخل في الموضوع تووووووووووووووووووووووووش
بعد المقدمات الطويلة دي اول شي انا مستعجل والتريلا بتاعتي ياها موقفة هنا مع اخوي وزميلي في الشغل
عطا ود بياكي وقبل ان تفوت علي ابارك لود بياكي زواجه الميمون من عائلة ال كبران واتمنى له زواجا مباركا اها وقفنا وين :D اي وقفت التريلا وجيت داخل عليكم هنا لكن ود بياكي شريتو شره بره
جيت هنا اقابل اهلي وابناء عمومتي واقول ليهم معا لنتواصل عبر التكنوليجيا وعبر الشبكة العنكبوتية ولنكسر كل القيود ولنصل ارحامنا ان شاء الله ببوست او ايميل ان شاء الله بدفار :lol:
نسيت شي :lol:
اعتب عليكم في اني لم اسمع منكم تبريكة ولا حتى زغرودة فاخوكم عريس جديييييد
ولا انسى ان ابارك لابن خالي الشريف عثمان حمد ود العضيم زواجه المبارك من عائلة حسن الجيلي حميدة
وبقول ليهم بيت مال وعيال والعاقبة لابن اخي العزيز عبد الباقي الحاج سعد
كما لا يفوتني أن ابارك لود البلاالة فاروق النعيم ولاهلنا بود الامين قدوم فارس ود الامين النعيم فاروق النعيم
حفيد ال جاه الله بالتقر
كما اني استغرب واتعجب عدم مشاركة ابن خالي محمد الأمين المشهور بـ (بخيت ) من حلة كوكو فهو عضو فعال ورمز من رموز العضيماب الالكترونية ونفس الخطاب اعلاه لابناء خالي بمدينة جدة عروس البحر الأحمر أبو مشكاة والشريف العسيلاتي وعلي بركات والقصير المكير ولا انسى الفالح كما اتعجب عدم مشاركة الهادي حسن الهادي من ابنا القويز المشهور بأبغا
ما اطول علييييييييييييييييكم وفي انتظار ردودكم ومساهماتكم
تخريمة :
فلاتي ضرب لامو من مصر قال ليها انا في( الهرم )قالت ليو صلي ركعتين وادعي لي

بسم الله الرحمن الرحيم
نرحب بيك ومرحب بيك عصام ود الخليفة
ومرحب بعبد المنعم أخوك كمان
ومرحب بحمد ود العضيم
ومرحب بناس غليل.....
ومرحب بناس التقر .
ومرحب بكل العضيماب :::::

وكمان جيب اهلك جت خليهم اشتركو ..
يا نسيبنا ياقريبنا ,,,,
ونحن فى رجاك والشوق قاتلنا اسرع بالجديد بشرنااا!!!!!!!!
وانا فى الحرم بصلى وادعو ليكم !!!!!!!!

ابن عمي العزيز عصام محمد عثمان ود الخليفه(عصام باسطه)لك اجمل تحيه

مرحب بيك في بيتك ووسط أسرتك ووسط اهلك العسيلات ناس السديره
شجرة ظليله وريفه هي منتديات السديره ظلها واسع وكبير وشايل الناس كلها
ابقي قاعد اتوهط الواسعه
ديل اهلك وابقي عليهم عشره وهم ما بقصروا معاك
دمت بود

محمد عمر بشير حميده

محمد عمر بشير حميده كتب:

ابن عمي العزيز عصام محمد عثمان ود الخليفه(عصام باسطه)لك اجمل تحيه

مرحب بيك في بيتك ووسط أسرتك ووسط اهلك العسيلات ناس السديره

شجرة ظليله وريفه هي منتديات السديره ظلها واسع وكبير وشايل الناس كلها

ابقي قاعد اتوهط الواسعه
تسلم يا ابن العم يا زعيم البشيراب
واهو نحنا جااين هنا نصل الرحم ونتونس مع اهلنا البشيراب والكريراب باختصار اهلنا العسيلات
ودائما انتا سباق كما عهدناك

ديل اهلك وابقي عليهم عشره وهم ما بقصروا معاك

دمت بود

محمد عمر بشير حميده

أبوعمار العمدة كتب:

بسم الله الرحمن الرحيم
نرحب بيك ومرحب بيك عصام ود الخليفة
ومرحب بعبد المنعم أخوك كمان
ومرحب بحمد ود العضيم
ومرحب بناس غليل.....
ومرحب بناس التقر .
ومرحب بكل العضيماب :::::

وكمان جيب اهلك جت خليهم اشتركو ..
يا نسيبنا ياقريبنا ,,,,
ونحن فى رجاك والشوق قاتلنا اسرع بالجديد بشرنااا!!!!!!!!
وانا فى الحرم بصلى وادعو ليكم !!!!!!!!

مرحب مرحب بيك انتا
وطلتك شرفتنا
وان شاء الله ما نعدمها
وين يا نسيبنا
والجديييييييييد جااااااايكم بس اتمهلو
تحياتنا لناس السعودية فردا فردا

مرحب بيك ومرحب بالتقر , ومبروك , والبيت بيتك .

حللت اهلا ونزلت سهلا
كل الاعضاء والمشرفين بيطبقو ليك الترحيب مرتين
وافادك الله وفاد بك وعمر بك المنتدى
ومبروك الزوج وبيت مال وعيال انشاء الله
وفى انتظار مشاركاتك واسهاماتك
ولك شكرى وتقديرى
والله الموفق