محمدالامين خوجلى
عدد المشاركات: 6
العمر: 26
الجنــس: 
مزاجي: 
نقاط: 2380
السٌّمعَة: 0
 | | موضوع: رندوق العصر الثلاثاء يوليو 14, 2009 12:18 pm | |
| يلا ياشباب المنتدي طبعا كلنا عارفين الرندوق وطبعا كل جماعه بيتفننو بي طريقتهم
فعاوزين مع بعضينا كدا نفيد ونستفيد عشان في ناس فارات كدا وفي ناس شراميين اصليين يلا نبقي داخلين
زول بتاع وهمات :ده الزول الغشاش والخداع...
الزول الفاره:ده الزول الخبرته بسيطه فى الحياة...
الزول المرطب:ده الزول الميسور الحال...
الزول الهواء:ده الزول مسئول فى القوات النظاميه ايا كانت رتبته ...
الزول البركب الفيل:ده الزول المسطول على طول...
الزول الجنينه: ده الزول الذى يمكنك ان تغشه او بمعنى اخر (الساذج)...
الزول المجنتر:ده الزول المجنون رسمى وبى شهاده...
الزول المفتح: ده الزول الذى الخبر دروب الحياة ويحسن التصرف...
الزول القداد: ده الزول الكلامو كتير وممل...
الزول الهداف : ده الزول الاكلو كتير...
دا كلام واحد من الطلاب والترجمة تحت قال مرة عملت ناشونال لعربية الحاج ناس النينجة ما قصرو وعملو لي احمد السقا لقصر الباشا حاولت اعمل رشوان توفيق لننجاوي لكن طلع عمر الشريف وعمل لي فاتن حمامة مع الباشا البريك طبعا .
الترجمة : سرقت عربية ابوي وناس الشرطة ساقوني القسم لاني ما عندي رخصة ، حاولت ادفع رشوة للعسكري لكن طلع نزيه وبلغ وكيل النيابة .
ودي طالبة قالت : اول مرة احاول اخش في لاب عملت سعد قشرة شديد وجهزت فريني قوي لناس التيب لكن التايقر عمل لي شرحبيل لما خشيت في نفيسة ولما لاقيت الفرد شعرت بخوجلي عثمان
الترجمة : اول مرة اعمل مواعيد مع جكس قشرت شديد وجهزت عذر الخروج لناس البيت لكن الجكس شراني وما جا وطبعا جاتني نفسيات ولما لاقيت صحباتي خجلت شديد
طالب تاني قال هنومة فردتنه دي عدسات لاصقة ولما الفرد اكتشفوها عملو الضو الشارد وبقت وحيد سيف
الترجمة : هنادي بتغير الجكس كتير كل يوم زول ولما الاولاد اكتشفوها شردوا كلهم وبقت وحيدة بدون جكس
يلا نفر والسفر ... خش لي جوة ياعمك... ابقي راكب ياحبة ... باركوها ياشباب ... يلا يامعلم ابقي مارق ...
كمساري بشحن في عربية جارة خط...
شتات خالي محطات = مافي زول نازل
جاري الخط = سارق الخط = شاحن ركاب من غير نمرة
الجوكي = السائق
البلف = الكمساري
الجلابي = سيد العربية
النقاطة = العداد = التوريدة = الإيراد اليومي
حمام طاير = عندما يخرم او يتجاوز الجوكي اوالسواق عربية ويكون بعرف سواقا فإنه يشغل الإشارات علي هذا النحو :
إشارة يمين - إشارة شمال - مجمع
والمجمع هو تشغيل الإشارتين مع بعض
وإذا كنت سائق وخرم منك زول وعمل ليك حمام طائر طوالي افهم إنه بقول ليك : أتحداك تجي يمين ماتفوتني وتجي شمال ماتفوتني ولو جيت طاير عديل ماتفوتني
|
|
WANTED
عدد المشاركات: 237
العمر: 23
الجنــس: 
الدولـــة: 
المهنــة: 
مزاجي:
نقاط: 2283
السٌّمعَة: 5
| | موضوع: رد: رندوق العصر الثلاثاء يوليو 21, 2009 11:36 pm | |
| مشكور يازول ياظريف وياحريف يعطيك العافية |
|
