علمت ان هنالك خطة لتوزيع الحواشات للمزارعين الذين يحسنون المهنة وحتى لا تضيع الفرصة على شباب اليوم ساوضح بعض الشروط للاستحقاق وهى ان يكتبوا لنا فيما لايقل عن عشرة اسطر تعريفا لمادة او اداة تستخدم فى الزراعة وياليت لوكان عندهم معاها طرفة طبعا ابو طلعت والشمالى ديل اول الممتحننين والاسناذ السنى ويسن وجدنا حسبو اجنة النصحيح ويالله ياشباب والتكرار ممنوع والغش الاستفسارى مسموح ويلا ياسمير ومجوعتك ان شاء الله مايكون جر حيل

بدانا وتوكلنا على ربنا واصغر طفل فى العائلة لقناهوا البسملة وقلنا بسم الله للغاشى والماشى كنا اعددنا السراب ومسحنا التقانت وابوستات ونظفنا ابوعشرين من الانكوج وبدينا فى الزراعة والتيراب حسبنا الرباط الانقاية تمينا الزراعة فى الضحوة بمتيربيه نجاض الجراية اسابقوها الحفر مامتباعدات ولا متقاربات السرابة مابين الثلاثين والاربعين والرباط سراباته خمسة واربعين والانقاية تسعين عكرنا فوق الترعة وشربنا وقمنا متراوحين وموية سقايتنا من عشيه الى ان تصبح سهرانين نقضى ليلنا غنى ودوبيت ولعيشنا حارسبن قفلنا مويتنا وقيلنا قبلنا عشان البيوت مافيها غير النساوين ونتقابل بعد يومين ونشرح اطوار نمو عيشنا الحبيب

يازعيم دى الزراعة الموزعة فى المشروع وانا زراعتى خطة نتمنى ان توثق للماضى لا ان تنحدر الى السباق المحموم الى مكننة الزراعة ووضعها فى بند الميزانية المرحلة يعنى لا فى بند سلفية ولا حساب موية ولسع يدرى على اضان فار وينى الذمة والزريعة والطعنة والشوكة وقبال ده كله مويتنا لهسع حارة وماحاحينا من السلال ولا رقعنا ولا واطاتنا يبست وماتستعجل لينا ساكت ولا راى اللجنة شنو

الاخ العزيز حسيب
اللهم ارحم ابن عمنا الفنان بادى محمد الطيب وخالنا الشيخ عمر ود البى وبحم الله ايام خلت حين كان لمدرسة البنات شلن اخر فى اقامة الحفلات الترفيهية وتثقيفية وتنويرية وايام عز عاشتها محبوبتنا الغالية السديرة الكتير خيرها على راى ابونا الشيخ النور الذى كان من ضمن مزارعيها وفى ابوشامة والنمر القصار حواشته ورحم الله ابو كركب وزى ابو عاقلة للسلوكة وابو ميل الخير كتير جد صلاح طه وياشمالى وين انت وكت الزراعة لهسع مارميت تيراب ولامسكت موية معانا